汪 明 荃 （ 阿 姐 ） 昨 日 出 席 劇 集 宣 傳 活 動 時 ， 回 應 有 指 她 於 台 慶 綵 排 被 曾 志 偉 叫 「 收 嗲 」 ， 令 她 當 眾 發 脾 氣 一 事 ， 雖 然 阿 姐 否 認 自 己 被 志 偉 激 親 ， 但 言 談 間 又 帶 點 自 嘲 冇 幽 默 感 、 蠢 以 及 唔 玩 得 。

汪 明 荃 、 佘 詩 曼 、 馬 德 鐘 、 商 天 娥 、 李 詩 韻 、 梁 政 及 張 國 強 等 昨 日 為 劇 集 《 東 山 飄 雨 西 關 晴 》 於 商 場 出 席 宣 傳 活 動 ， 期 間 阿 姐 與 眾 演 員 大 玩 遊 戲 之 餘 又 與 李 詩 韻 及 商 天 娥 一 起 現 場 觀 眾 跳 hip hop 。

唔 同 男 友 練 爵 士 舞
阿 姐 活 動 後 甫 見 到 記 者 便 謂 ： 「 又 講 曾 志 偉 呀 ？ （ 激 親 你 ？ ） 冇 呀 ， 佢 平 日 綵 排 都 亂 講 ， 我 咪 同 佢 講 我 唔 玩 得 囉 ， 我 唔 知 佢 幾 時 係 玩 嘛 ！ 」 她 續 表 示 同 事 之 間 ， 總 有 一 些 人 玩 得 、 一 些 人 唔 玩 得 ， 又 自 嘲 ： 「 咁 我 係 冇 幽 默 感 、 蠢 同 冇 反 應 嘛 ！ （ 講 完 冇 ？ ） 點 會 有 ？ 又 唔 係 咩 大 件 事 ， 我 又 唔 係 第 一 日 識 佢 （ 志 偉 ） 。 」

阿 姐 又 表 示 將 會 為 明 年 四 月 份 演 出 的 音 樂 劇 練 爵 士 舞 ， 問 到 她 可 會 找 男 友 羅 家 英 一 起 練 習 時 ， 她 說 ： 「 唔 會 啦 ， 佢 話 好 怕 男 人 扭 pat pat 。 」

阿 佘 嘉 穎 組 情 侶 檔
另 外 ， 阿 佘 跟 馬 德 鐘 二 人 於 台 上 演 繹 了 劇 集 插 曲 ， 惟 二 人 表 現 略 見 拘 謹 ， 阿 佘 謂 ： 「 好 緊 張 呀 ， 第 一 次 現 場 唱 ， 唔 係 咁 熟 。 」 她 又 表 示 在 即 將 來 臨 的 大 假 期 自 己 不 用 拍 劇 ， 可 以 出 show 賺 錢 ， 問 到 她 可 介 意 與 鄭 嘉 穎 情 侶 檔 出 席 活 動 ？ 她 笑 言 ： 「 依 家 市 道 唔 好 呀 ， 有 錢 搵 唔 會 介 意 。 」

文 ： 影 視 組