粵 劇 重 鎮 新 光 戲 院 農 曆 新 年 之 後 ， 就 可 能 因 租 金 飆 升 被 迫 關 門 大 吉 ， 戲 曲 界 焦 急 如 焚 ， 八 和 會 館 主 席 汪 明 荃 尋 日 由 戲 台 走 落 現 實 世 界 ， 做 一 台 六 國 大 封 相 畀 業 界 立 法 會 代 表 霍 震 霆 睇 ， 向 小 霍 大 興 問 罪 之 師 ， 暗 寸 小 霍 睇 唔 起 八 和 會 館 ， 從 未 為 新 光 戲 院 問 題 幫 過 手 。

汪 阿 姐 尋 日 同 傳 媒 新 春 聚 會 ， 同 場 加 演 一 齣 《 雷 鳴 金 鼓 戰 笳 聲 》 ， 叮 叮 喳 喳 ， 揮 鞭 開 戰 ， 狠 批 政 府 無 積 極 解 決 粵 劇 場 地 不 足 問 題 ， 將 政 府 咁 多 年 虧 欠 粵 劇 界 ， 數 白 欖 咁 數 ， 最 後 ， 阿 姐 仲 臨 場 加 插 劇 本 ， 穆 桂 英 纓 槍 ， 矛 頭 突 然 指 向 最 近 為 東 亞 運 動 會 經 費 問 題 搞 到 頭 都 大 埋 小 霍 。

汪 阿 姐 話 ： 「 立 法 會 議 員 好 多 都 好 關 心 ， 但 係 對 呢 件 事 （ 新 光 戲 院 ） 就 無 乜 表 示 。 邊 個 係 我 代 表 話 ？ 好 似 係 霍 震 霆 喎 ！ 代 表 體 育 、 演 藝 文 化 及 出 版 界 ， 從 來 無 幫 我 出 過 聲 ， 無 幫 我 爭 取 過 乜 ！ 」 汪 阿 姐 投 身 粵 劇 界 多 年 ， 唱 做 唸 打 難 唔 倒 佢 ， 估 唔 到 連 相 聲 呢 門 北 方 街 頭 藝 術 ， 一 樣 了 得 ， 寸 盡 小 霍 。

「 八 和 唔 係 佢 政 治 考 慮 」
汪 阿 姐 暗 諷 小 霍 ， 睇 選 票 做 ， 仲 話 ： 「 無 辦 法 啦 ， 我 八 和 會 館 係 公 司 票 ， 得 一 票 ， 可 能 唔 係 佢 （ 小 霍 ） 政 治 考 慮 啦 。 」 即 係 話 小 霍 重 體 育 界 、 輕 粵 劇 界 。 然 後 ， 汪 阿 姐 再 一 句 ： 「 唉 ， 我 立 法 會 代 表 都 唔 出 聲 ， 其 他 立 法 會 議 員 都 … … 」

汪 阿 姐 無 再 講 落 去 ， 令 呢 台 聲 討 小 霍 戲 更 加 餘 音 裊 裊 。

跑 慣 台 板 阿 姐 又 講 到 明 ， 粵 劇 界 以 前 太 低 調 ， 原 來 唔 得 ， 呢 個 社 會 乜 都 要 爭 ， 所 以 向 政 府 申 請 將 北 九 龍 裁 判 法 院 活 化 為 八 和 粵 劇 文 化 中 心 計 劃 ， 佢 要 力 爭 到 底 ， 仲 話 競 爭 對 手 青 協 以 前 都 得 過 米 啦 ， 希 望 政 府 今 次 畀 個 機 會 八 和 咁 話 。

對 汪 阿 姐 批 評 ， 我 打 過 電 話 畀 小 霍 議 員 助 理 ， 至 截 稿 為 止 都 冇 得 到 回 覆 ， 似 乎 佢 都 唔 多 想 回 應 。 其 實 ， 身 兼 港 區 人 大 汪 阿 姐 ， 一 向 大 膽 敢 言 ， 鬧 人 已 經 唔 係 第 一 次 ， 演 藝 界 同 政 界 都 有 唔 少 人 被 佢 點 名 炮 轟 ， 小 霍 如 果 唔 想 成 為 其 中 一 個 大 花 臉 、 大 丑 角 ， 係 咪 應 該 快 澄 清 呢 ？

至 於 阿 姐 出 口 術 ， 為 粵 劇 界 爭 權 益 ， 類 似 例 子 ， 政 界 唔 少 。 好 似 廠 商 會 會 長 尹 德 勝 咁 ， 鬧 完 政 府 偏 心 工 業 總 會 ， 廠 商 會 會 董 即 時 排 住 隊 獲 政 府 委 任 公 職 ， 但 汪 阿 姐 係 咪 都 可 以 得 米 ， 就 要 睇 落 去 至 知 喇 ！